|
SubscriptionsSites I Read
|
|
|
|
| 都有好一段時間冇打過Xanga,因為都唔知打咩好.....。
長話短說,五月尾Exam完就忙住攪個新24"缸d野,係咁魚樂無窮。
六月頭就同City d fd 去左Malaysia & Singapore個Study Tour,深深明白到在家千日好,都係hk啱我d
番到黎hea左陣就開學啦,summer term,讀兩個course,2016靈芝孢子同埋EN,present pre到暈同埋做Lab做到暈,每個星期五都俾綠衣人鬧爆我...真係,唉,唔好提。
我個24"缸亦都喺短短呢幾個月經歷左好多野,仲要係獲獲新鮮獲獲甘,每一日都係一個新geh challenge, 爆過紫苔啡苔,而家仲出埋討厭geh藍綠藻, 一個二個萬世巨星法仙,藍面仔,藍圈仔,多莉都因為唔同geh病而病死,我就要好似House咁要搵出佢地geh病因,白點,布魯克原虫,生石,內感染,講得出geh病都有魚籟過野,我亦作多棲發展,除左係海洋生物專家之外,仲做埋病理學專家同埋營養師。而家剩番六小福陪我,佢地就係Fight Club首領大細mo, 古惑為食mad dog valen,好奇8掛藍咀, 溫和善良o靚仔同埋山寨王皇帝魔。打算tmr同sat清一清個缸,俾個好d geh居住環境佢地啦。
唔覺唔覺,近排都同袁生睇左好多戲,暫時首選最好睇都係Batman
另外,我仲忙於幫我班BB戰士上色,劉備趙雲關羽關平曹操孔明就攪掂啦,但係仲有成埋未油,等我攪掂晒一次過post相上黎。
星期日就去遊船河啦,希望到時會好天啦啦啦。
| | |
| Exam完之後一直攪呢樣攪嗰樣,都冇時間打Xanga,話說嗰日一Exam完就衝左去魚街,買野開個新geh 24吋魚缸,買左個Tetra ex-120濾桶, 7L MA生物環, 1L matrix(用黎除NO3, NO2), 加多盒Rowa(用黎除PO4), 24Wx4 T5HO 燈, Otto BF-700沙樽, 超勁既氣bump, 6KG沙, 3舊生物石,仲有最重要geh當然就係個魚缸啦,仲高個伊利諾嗰個,勁呀!!!番到屋企攪左勁耐,差唔多十一點先至開缸成功,辛苦晒水族工程師傅伊利諾先生。
好,第二日又黎過,走左去買多二百幾三百蚊生物石,仲買左五條開缸死士,分別係三點白,青魔,皇帝魔,三間雀同埋三點白個fd,唔知叫咩。
見個缸run得幾好,過多幾日就移動埋d舊魚落新缸,分別有大細狗,兩條mo仔,多利,同埋o靚仔,睇得出佢地係超開心,特別係多利,係咁周圍游周圍捐,傻左。好唔得一陣,班友仔就黎料啦,追黎追去,你打我,我打你,好似入左fight club咁,都話d海水魚冇條好魚架啦。
上星期同伊利諾又去左魚街,犀利啦,終於終於接左萬世巨星番屋企,佢就係承惠$350geh歌迪士BB,仲有買左暴君藍圈,海膽同埋枯葉。開頭諗住應該冇野geh喺Q桶度,點知一個唔該暴君藍圈已經隊死左枯葉,仲要隊到成身散晒,好彩我隔開左萬世巨星姐,唔係就真係死都唔掂。另一邊廂,我都唔明點解死人小狗可以隊得穿隻海膽,大佬,有刺架ma,連刺都隊甩埋佢,好野好野。
上個星期去左睇The Click Five World Tour,都ok geh,kyle唱得幾好,但係隊band就斯文左d,一d都唔hard rock,去親嗰度睇geh都係妹妹仔,我同伊利諾簡直係超晒齡...wtf
琴晚去左睇詹sir geh萬世歌王,真係....好懷疑點解佢個人可以咁有talent,咁attractive,一個人撐足三個幾鐘,其實唔可以用個撐字黎形容,因為成件事在於佢黎講簡直係得心應手,完全喺佢掌握控制之中,全部野所有野都配合得好好,內容好笑之餘又帶埋你一d反思,總之就正啦,詹sir真係詹sir,完全感受到佢對個舞台嗰種passion,好野好野。
Manchester United今季真係堅料,雙冠王,嗰晚睇歐聯真係嚇到我死死下,心情好似坐過山車咁,terry射十二碼geh時候真係諗住死硬架啦,估唔到佢救左我地一命,咁當然van der sar都功不可沒啦。Anyway,Glory Glory Manchester United
其實講野加d密碼落去會好玩d geh咩?!無聊,家下我真係野都唔想講多一句,莫講要我show up
| | |
| 死人vibration...damp damp damp你老闆
| | |
| 同一情況,不停地重覆又重覆,只不過係主角、對象唔同左。
引用番相關口吻:唔同層次。理解唔到,亦唔需要特別去理解。
都係嗰句啦,唔出聲唔代表人地唔知,或者同意你geh做法。
幾時都話,堅持己見最重要,特別係錯嗰個唔係你geh時候,大不了拋低一句 I don't care,咁就咩都唔使講啦,下話?!
| | |
|
